100 هەزار چەنجە ماسى خرایە رووبارى خانکێ..وێنە: ناحیەى خانکێ
زیاتر لە 100هەزار پەنجە ماسى خرایە ناو رووبارى خانکێ
964+
وریا فەتاح
لەلایەن وەزارەتى کشتوکاڵەوە زیاتر لە 100 هەزار پەنجە ماسى خرایە رووبارى خانکێ، بەمەش لە ماوەى 10 رۆژدا نزیکەى 250 هەزار پەنجە ماسى خراونەتە رووبارەکانى هەرێمەوە.
ئەمڕۆ چوارشەممە، بەڕێوەبەرایەتى ناحیەى خانکێ بڵاوى کردەوە کە بە ئامادەبوونى نوێنەرى وەزارەتى کشتوکاڵ زیاتر لە 100 هەزار پەنجە ماسى خرایە ناو رووبارى خانکێ.
لە رۆژى 21ـى ئەم مانگەشدا، دووسەد هەزار پەنجەماسی خرایە دەریاچەی دوکان و لەهەمانکاتدا پڕۆژەی بەرهەمهێنانی پەنجەماسی دوکان نۆژەن و کارا دەکرێتەوە .
دوێنێش 45 هەزار پەنجە ماسی خرایە ناو بەنداوی چەمرگە لە هەولێر.
بەمەش لە ماوەى 21.7 تا 31.7.2024، زیاتر لە 245 هەزار پەنجە ماسى لەلایەن وەزارەتى کشتوکاڵەوە خراونەتە رووبار و بەنداوەکانى هەرێمى کوردستانەوە.
