بەشێک لەو ماسیانەی کە دەستیانبەسەردا گیراوە. فۆتۆ: پۆلیسی دارستان و ژینگەی سلێمانی
37 ماسیان پێگیراوە
چوار راوچی ماسی لە دەربەندیخان و شارەزوور دەستگیر کران
964+
ژووری هەواڵ
پۆلیسی دارستانی سلێمانی دەستگیرکردنی چوار کەسی لەسەر راوەماسی راگەیاند و دەستیگرت بەسەر ئەو ماسیانەی راویانکردووە.
ئەمڕۆ دووشەممە 25.3.2024، هێمن کەمەرخان، وتەبێژی پۆلیسی دارستان و ژینگەی سلێمانی بە 964ـی راگەیاند، سیان لەو کەسانەی دەستگیرکراون لەسەر دەریاچەی دەربەندیخان راویان کردووە و ئەوەی دیکەیان لە گوندی قەڵبەزەی شارەزوور تۆڕی داناوە.
ئەو چوار کەسە 37 ماسی قەبارە جیاوازیان پێبووە و هەموویان دەستیانبەسەردا گیراوە.
جگە لە ماسییەکان دەستیش بەسەر سێ تۆڕی راوکردنی ماسی و دەسکەداوێکدا گیراوە.
بە پێى ماددەى 42 لە حکومە سزاییەکاندا سزادانى بەندکردن هاتووه بۆ ماوەى مانگێک کەمتر نەبێت یان پێبژاردنێک لە 150 هەزار کەمتر نەبێت و لە دوو ملیۆن دینار زیاتر نەبێت.
رۆژى 5.3.2024 له هه‌رێمی كوردستان قه‌ده‌غه‌ى راوه‌ماسی راگه‌یه‌ندرا، كه ماوه‌كه‌ى زیاتر له سێ مانگ ده‌خایه‌نێت.
