خۆماڵی نییە
نۆبەرەی تەرۆزی کەوتە بازاڕەوە
964+
دیلان محەمەد جەزا
نۆبەرەی تەرۆزی دوو مانگ پێش وادەی خۆی هاتە بازاڕەوە و هەر کیلۆیەکی بە نزیکەی هەشت هەزار دینار دەفرۆشرێت.
چۆمان مەحمود میوەفرۆشێكی سلیمانییە و بە 964 وت، ئەمڕۆ نۆبەرەی تەرۆزیان بە دەست گەیشتوە و خواستێکی زۆری لەسەرە.
باسی لەوەش کرد، تەرۆزیەکە لە وڵاتی ئێرانەوە هاتووە و هەر کیلۆیەکی بە نزیکەی هەشت هەزار دینار دەفرۆشن.
ئەوەی خستەڕوو، ئێستا وەرزی پێگەیشتنی تەرۆزی خۆماڵی نییە و تا نزیکەی دوو مانگی دیکە ناکەوێتەوە بازاڕەوە، هەر بۆیە لە دەرەوە هاوردە دەکرێت.
