شارەوانیی هەولێر هێڵی سوور بۆ زێدەڕۆییەکان دادەنێت.
بۆ کێ؟
شاره‌وانیی هه‌ولێر هێڵی سوور دادەنێت
964+
ئه‌رسه‌لان عه‌بدوڵا
شارەوانیی هەولێر هەڵمەتی لادانی زێدەڕۆیی فراوانتر دەکات هەروەها شۆستە و شەقامەکان رێکدەخاتەوە.
سه‌رۆكایه‌تی شاره‌وانیی هه‌ولێر رایگه‌یاند، بە ئامانجی کەمکردنەوەی جەنجاڵیی هاتوچۆ و جوانترکردنی سیمای شەقامەکانی هه‌ولێر، شارەوانیی هەولێر بەردەوامە لە لادانی زێدەڕۆیی لە بازاڕ و شوێنە گشتییەکاندا .
ئه‌وان رایانگه‌یاندووه، تیمەکانیان لە بەڕێوەبەرایەتی شارەوانیی یەک بە هەماهەنگی لەگەڵ پۆلیسی شارەوانی، چەندین زێدەڕۆیی لابردوه و هێڵی سووریان بۆ دوکان و خاوەنکارەکان داناوه.
هه‌روه‌ها لە بازاڕی گەورە و بازاڕی شێخ مستەفا و کۆڵانی ئاردفرۆشان، بە مەبەستی کەمکردنەوەی ئاستەنگی هاتوچۆ و ئاسانکاری بۆ هاتوچۆی هاوڵاتیانی پیادە لەسەر شۆستەکاندا، زێده‌ڕۆییه‌كانیان لابردووه و شوێنه‌كانیان رێكخستووه‌ته‌وه.
شارەوانیی هەولێر شەقامەکانیان خاوێن کردەوە
