مەترسی دروست کردووە
بەرد یەخەی کلکەسماق بەرنادات
964+
دیلان محەمەد جەزا
لە کاتی بارانباریندا مەترسی لەسەر هەندێک لەو رێگایانە دروست دەبێت، کە لە قەدپاڵی شاخەکاندان و رێژەیەکی زۆر بەرد دەکەوێتە سەر شەقامەکان.
ناسیح محەمەد هاوڵاتی بە 964 وت، نزیکەی 20 ساڵە لە شاخی کلکەسماق کافتریای هەیە، چەند جارێک بەهۆی داڕمانی شاخەوە زیانیان بەرکەوتووە.
باسی لەوەش کرد، چەندین جار لە کاتی داڕماندا بەرد بەر ئۆتۆمبێل کەوتووە و زیانی گەورەی هەبووە و شەقامەکە گیراوە.
لەسەر ئەم بابەتەدا فوئاد باقی، وتەبێژی رێگەوبانی سلێمانی بە 964 وت، لە هەندێک ناوچەدا کێشەی داڕمانی شاخ هەیە بۆ سەر رێگاکان، بەڵام بەهۆی نەبوونی بودجەی پێویستەوە نەتوانراوە دیواری راگر بۆ ئەو جێگایانە بکرێت.
ئەوەشی خستەڕوو، لە کاتی داڕمانی شاخدا تیمەکانی رێگەوبان ئەو رێگایانە پاک دەکەنەوە، بۆ ئەوەی ئاستەنگی هاتوچۆ دروست نەبێت.
پێداچوونەوە: فەرهاد حەسەن
