نانسی عەجرەم. فۆتۆ: ئاژانسەکان
بلیتەکانتان وەربگرنەوە نانسی عەجرەم نایەتە کوردستان
+964
پەری ساڵح
خانمە هونەرمەندی لوبنانی نانسی عەجرەم تەواوی ئاهەنگەکانی هەڵوەشاندەوە بەهۆی بارودۆخی فەلەستینەوە و نایەتە کوردستانیش.
بڕیاربوو نانسی عەجرەم 16.11.2023 لە هەولێر ئاهەنگێکی گەورە لە هۆڵی mi9 سازبکات و بەشێکی زۆری بلیتەکانیش فرۆشرابوون، بەڵام هەفتەیەک بەرلە وادەی دیاریکراو ئاهەنگەکەی هەڵیوەشاندەوە و تەواوی کۆنسێرت و چالاکییە هونەرییەکانیشی راگرت، دیاریش نییە کەی ئەو ئاهەنگە دەکرێت.
کارگێری هۆڵی mi9 رایگەیاند ئەوانەی دەیانەوێت بلیتەکانیان وەربگرنەوە سەردانیان بکەن، لە کاتێکدا نرخی بلیتەکان لە 100 دۆلارەوە دەستی پێدەکرد و گرانترینیان 400 دۆلار بوو.
دوایین جار بەر لە 10 ساڵ نانسی عەجرەم سەردانی هەولێری پایتەختی کوردستانی کرد بە مەبەستی ئەنجامدانی کۆنسێرت.
