نیشاندانی یەکێک لە فیلمەکان لە باخچەی گڵکەند. وێنە:964+
لە باخچەیەکی هەولێر دەتوانیت خواردن لەگەڵ خۆت ببەیت و سەیری فیلم بکەیت
964+
ئەحمەد شەمزین – هەولێر
ماوەی هەشت رۆژە لە باخچەی گڵکەندی هەولێر چالاکی نیشاندانی فیلم و پێشانگای خواردنی کلتوری کراوەتەوە، بڕیارە یەک مانگ بەردەوام بێت.
گروپی نایت سینەما بە چالاکیەکە هەڵساون، ژمارەیەک فیلمیان هەڵبژاردووە و داوا لە خەڵک دەکەن بچن بۆ سەیرکردنی، ئەوەش دەڵێن، هاوڵاتیان دەتوانن خواردن و رایەخ لەگەڵ خۆیان بێنن، لە باخچەکە نان بخۆن و سەیری فیلم بکەن.
لە چالاکیەکە، خواردنی کوردی، بەرهەمی خۆماڵی، کاری دەستی و خواردنی کۆری نمایش دەکرێت.
د.محەمەد عەلی رێکخەری پێشانگاکەیە بە 964ی وت، چالاکیەکە ماوەی مانگێک بەردەوام دەبێت، هەموو ئەو فیلمانەی هەڵبژێردراون لەلایەن وەزارەتی رۆشنبیری رەزامەندیان پێدراوە، هاوکات لەلایەن پارێزگای هەولێر و ئەندازەی پارکەکانی هەولێر رەزامەندی پێدراوە.
“چوار فیلم لەلایەن وەزارەتی رۆشنبیری رەتکراونەتەوە، لەبەر ئەوەی دیمەنی ترسناکی تێدابووە” د.محەمەد عەلی ئەمەی وت.
بەوتەی رێکخەری چالاکیەکە، ئەوە یەکەمجارە چالاکی سینەمایی لەمجۆرە هەبێت.
فیلمێكی عێراقی ركابه‌ری وه‌رگرتنی خه‌ڵاتی ئۆسكار ده‌كات
پێداچوونەوە: فەهمی نەبی
