داهاتی ئهم هەفتەیهى سلێمانى و هەڵەبجە زیاتر لە پێنج ملیار دینارە
چەندی چەکە و چەندی نەختە؟
داهاتی ئهم هەفتەیهى سلێمانى و هەڵەبجە زیاتر لە پێنج ملیار دینارە
964+
شۆڕش قادری
داهاتی نانەوتیی ئهم هەفتەیهى هەردوو پارێزگای سلێمانى و هەڵەبجە زیاتر لە پێنج ملیار و 700 ملیۆن دینارە، کە نزیکەی ملیارێکی چەکە.
بهپێی نوێترین داتای ماڵپەڕی شەفافییەت، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 4.1.2025 تا ئەمڕۆ هەینی 10.1.2025 بڕی پێنج ملیار و 734 ملیۆن و 282 هەزار و 450 دینارە.
بەپێی داتاکە، لە داهاتی ئەم هەفتەیەی پارێزگاکانی سلێمانی و هەڵەبجە، بڕی چوار ملیار و 747 ملیۆن و 387 هەزار و 450 دیناری بە شێوەی نەختینە و 986 ملیۆن و 895 هەزار دیناریشی چەکە.
ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.
ئەو بڕە داهاتە لەمانە بەدەستهاتوون: دەروازە سنوورییەکان، فڕۆکەخانە، گومرگ، کرێی کێش و پێوەرەکان، پێبژاردن و سزای دارایی، پشکنینەکان، رسووماتی بەخشین، ژینگەی ئۆتۆمبێل، تابلۆ و داهاتی شارەوانییەکان.
ئەم هەفتەیە 61% داهاتی سلێمانی و هەڵەبجە کەمی کردووە
داهاتی ئەم هەفتەیەی سلێمانی و هەڵەبجە نزیکەی دوو هێندە کەمیکردووە
