“ساڵانە عێراق بە بڕی 3 ملیار دۆلار دەرمان دەکڕێت”

964+

فەهمی نەبی

سەرۆک وەزیرانی عێراق دەڵێت، تواناکانی عێراق بۆ بەرهەمهێنانی دەرمان تەنیا %10 پێکدەهێنێت و ساڵانە سێ ملیار دۆلار بە کڕینی دەرمان دەدات، بەمجۆرە بێت عێراق ساڵانە بە رێژەی %90 پشت بە هاوردەکردنی دەرمان دەبەستێت.

ئەمڕۆ هەینی، محەمەد شیاع سودانی سەرۆک وەزیرانی عێراق لە ئەمریکا لەگەڵ سەرۆکی ژووری بازرگانی ئەمریکی ئەمەی وتووە.

بەوتەی سودانی لەوەتەی پلانی بەرهەمهێنانی دەرمانی ناوخۆیی بڵاوکراوەتەوە، 245 کۆمپانیا داواکارییان بۆ بەرهەمهێنانی دەرمان پێشکەشکردووە.

ئاژانسی هەواڵی عێراقی ناوەرۆکی کۆبونەوەکەی سودانی و سەرۆکی ژووری بازرگانی خستووەتە روو، سەرۆک وەزیرانی عێراق رایگەیاندووە، شەش نەخۆشخانەی نوێ لە عێراق هەن، هیوادارە کۆمپانیا ئەمریکیەکان بێنە پێشەوە بۆ پێشکەشکردنی خزمەتگوزاری تەندروستی.

دوای 13 ساڵ زەوی بۆ دروستکردنی نەخۆشخانەکەی مەخمور تەرخانکرا

سەرۆک وەزیرانی عێراق: هیچ قەیرانێکی سیاسی لەنێوان هەرێم و بەغدا نییە