تیمەکانی شارەوانی قوتابخانەیەک لە هەولێر پاکدەکەنەوە. فۆتۆ: سەرۆکایەتی شارەوانی هەولێر
لە هەفتەیەکدا 120 قوتابخانەی هەولێر شۆردراون
964+
هاوبەش ئەبوبەکر
ماوەی هەفتەیەکە شارەوانیی هەولێر هەڵمەتێکی بۆ شۆردنی قوتابخانەکانی ناو شار دەستپێکردووە و لەو ماوەیەدا 120 خوێندنگەی خاوێنکردووەتەوە.
جگە لە شوشتنی قوتابخانەکان، تیمەکانی شارەوانیی هەولێر تانکی ئاوی خوێندنگەکانیان لە کلس و پیسی پاککردووەتەوە.
ئاوی خواردنەوەی خاوێنیش بۆ قوتابیان دابین کراوە و زبڵ و پاشماوەی ناو قوتابخانەکان کۆکراونەتەوە.
هەڵمەتی شوشتنی تانکی ئاوی قوتابخانەکانی هەولێر بەردەوامە
ئەمڕۆ یەکشەممە 17.9.2023، شارەوانی هەولێر رایگەیاند، ئەم کارەیان بە مەبەستی پاراستنی تەندروستی قوتابیان و خاوێنی ژینگەی قوتابخانەکان ئەنجامداوە و رێکخراوی ئاڤیاری هۆشیاری ژینگەیی، هاوکاری کردوون.
ساڵانێکە ئەندازەی پارکەکانی هەولێر گوڵ و نەمام لەناو بەشێک لە قوتابخانەکان دەچێنێت و گرنگی بە ژینگەی قوتابخانەکان دەدات، لەناو سەنتەری شاری هەولێر زیاتر لە 400 قوتابخانە هەن.