تیۆ هێرناندێز گۆڵی یهكهمی فهڕهنسای تۆمار كرد...فۆتۆ: ماڵپهڕی فیفا
فهڕهنسا و ئهرجهنتین یاریی كۆتایی مۆندیال دهكهن
964+
ئهرسهلان عهبدوڵڵا – ههولێر
له دووهم یاریی پێش كۆتایی مۆندیالی 2022، ههڵبژاردهی فهڕهنسا كۆتایی به سهركێشییهكانی ههڵبژاردهی مهغریب هێنا و خۆی گهیانده یاریی كۆتایی.
ئهمشهو “چوارشهممه 14ی كانوونی یهكهم” له یاریی پێش كۆتایی مۆندیالی قهتهڕ 2022، ههڵبژاردهی فهڕهنسا به ئهنجامی 2-0 گۆڵ له ههڵبژاردهی مهغریبی بردهوه و بلیتی یاریی كۆتایی بهدهستهێنا.
یارییهكه له یاریگهی ئهلبهیت به ئامادهبوونی 60 ههزار هاندهر كرا، كه زۆرینهیان مهغریبی بوون، لهگهڵ ئهوهشدا فهڕهنسا توانی یارییهكه له بهرژهوهندیی خۆی یهكلا بكاتهوه.
گۆڵهكانی فهڕهنسا له یارییهكهدا تیۆ هێرناندێز و كۆلۆ موانی له خولهكهكانی 5 و 79 تۆماریان كرد.
كهڵهشێرهكانی فهڕهنسا بهم بردنهوهیه بلیتی یاریی كۆتایی مۆندیالیان بهدهست هێنا، یهكشهممهی داهاتووش 18ی كانوونی یهكهم، له یاریی كۆتاییدا رووبهڕووی ههڵبژاردهی ئهرجهنتین دهبنهوه.
ههروهها مهغریب رۆژی شهممهی داهاتوو له یاریی دیاریكردنی پلهكانی سێیهم و چوارهم رووبهڕووی ههڵبژاردهی كرواتیا دهبێتهوه.