لیژنەیەکی بەڕێوەبەرایەتی چاودێری و گەشەپێدانی کۆمەڵایەتی گەرمیان سەردانی دایەنگەیەک دەکات بۆ ئەوەی بزانێت چیان پێویستە. فۆتۆ: بەرێوەبەرایەتی گشتى چاودێری و گەشەپێدانی کۆمەڵایەتی گەرمیان
پێداویستی خوێندن بۆ سێ دایەنگەی گەرمیان دابیندەکرێت
964+
هاوبەش ئەبوبەکر
پێداویستی خوێندن و ئاساس بۆ دایەنگە حکومییەکانی کفری و کەلار و رزگاری دابیندەکرێت و بڕێک پارەی بۆ تەرخانکراوە.
ئەمڕۆ یەکشەممە 20.8.2023، ژیلوان عادل، بەرێوەبەری چاودێری و گەشەپێدانی کۆمەڵایەتی گەرمیان بە 965ـی راگەیاند، وەزارەتی دارایی بڕی 28 ملیۆن و 675 هەزار دیناری دابینکردووە بۆ کڕینی پێداویستی خوێندن و ئەساس بۆ هەر سێ دایەنگەی کفری و کەلار و رزگاری.
پێداویستییەکان بریتین لە یاری منداڵان، قەنەفە، سپلیت، فەرش، ساردکەرەوە و هەندێک پێداویستی دیکە و ئەمڕۆ سەردانی دایەنگەکان کراوە بۆئەوەی بزانن چیان پێویستە و لە سبەینێوە دەستدەکرێت بە کڕینی کەلوپەلەکان.
“هەوڵدەدەین کە دایک و باوکان زیاتر منداڵەکانیان ببەنە دایەنگە حکومییەکان، چونکە خەرجی دایەنگە ئەهلییەکان زۆرە”، ژیلوان عادل وای وت.
لیژنەیەک بۆ کڕینی پێداویستییەکان پێکهێنراوە و بڕیار وایە پێش دەسپێکی ساڵی نوێی خوێندن، هەموو پێداویستییەکان دابین بکرێن.