تەلەگرامیش هاتە ناو پێشبڕکێکە

964+

عادل کانەبی

لە دەیەمین ساڵیادی دامەزراندی، تەلەگرام خزمەتگوزاریی ستۆری خستەبەردەست بەکارهێنەرانی کە پێشتر دەبوایە پارە بدەیت بۆ ئەوەی لەم خزمەتگوزارییە سوودمەند بیت.

دوێنێ سێشەممە 15.08.2023، دەیەمین ساڵیادی دامەزراندنی تەلەگرامبوو، کە بەو بۆنەیەوە کۆمپانیاکە خزمەتگوزارییەکی بە پارەی کردە بێ بەرامبەر بۆ بەکارهێنەرانی.

پێشتر ئەگەر بتویستایە ستۆری لە تەلەگرام دابنێی، پێویستت بەوە بوو بەشداری پاکێجی پرمیومیت کردبا کە نرخی بەشداریکردنی نزیکەی پێنج دۆلارە.

ئەم هەنگاوەی تەلەگرام بەمەبەستی پێشبرکێکردنە لەگەڵ پلاتفۆڕمەکانی تر، چونکە لە زۆرینەی پلاتفۆڕمەکان بەکارهێنەران دەتوانن بێ بەرامبەر ستۆری بڵاو بکەنەوە، بە گوێرەی شارەزایانی تەکنەلۆژیا، تەلەگرام ئەم هەنگاوەی ناوە بەمەبەستی زیادکردنی بەکارهێنەرانە لەسەرانسەری جیهان.

ئەپلیکەیشنی تەلەگرام لە لایەن سەرمایەداری رووسی باڤل دۆرۆڤ لە ساڵی 2013وە دامەزراوە و ئێستا لە جیهان زیاد لە یەک ملیار بەکارهێنەری هەیە.