بەشێک لەو هاوڵاتییانەی کە لەسەر بەزاندنی سنووری پارێزگای سلێمانی دەستگیر کراون. فۆتۆ: فەرماندەیی هێزەكانی پاسەوانی سنووری عێراق
لە سلێمانی 40 کەس لەسەر بەزاندنی سنوور دەستگیرکران
964+
هاوبەش ئەبوبەکر
فەرماندەیی هێزەكانی پاسەوانی سنووری عێراق، دەستگیرکردنی 40 هاوڵاتی بیانی بە تۆمەتی بەزاندنی سنووری پارێزگای سلێمانی راگەیاند.
ئەمڕۆ چوارشەممە 8.2.2023، فەرماندەیی هێزەكانی پاسەوانی سنووری عێراق رایگەیاند، مەفرەزەکانی فەوجى دوو، لیواى 21ـى سنوور لە هەرێمی کوردستان، 40 کەسیان دەستگیرکرد، کە هاوڵاتیی بیانین و ویستویانە سنوور ببەزێنن و بێنە ناو پارێزگای سلێمانی.
لە ماوەی یەک هەفتەدا، بەم 40 کەسەوە، 52 هاوڵاتی بیانی لەلایەن هێزە عێراقییەکانەوە لەسەر بەزاندنی سنووری پارێزگای سلێمانی دەستگیرکراون.
لە رۆژی 30.7.2023ـشدا، وەزارەتی ناوخۆی عێراق دەستگیرکردنی 17 پەنابەری بیانی لەسەر سنووری وڵاتەکە راگەیاند و دەڵێت، 12ـیان ھەوڵیانداوە لە سنووری پارێزگای سلێمانیەوە بێنە ناو خاکی عێراقەوە.