لە برادۆست مین بە هاوڵاتیەکدا تەقیەوە

964+

ئاسۆ فەیسەڵ

سەرلەبەیانی ئەمڕۆ هەینی مین بە گەنجێکی 15 ساڵدا تەقیوەتەوە لە دەشتی هێرت لە کوێستانەکانی دەڤەری برادۆست.

گەنجەکە شوانکارە و بەپێی زانیارییەکان مەچەکی لێبووەتەوە و برینێک لە قاچیدایە.

کاروان فەیسەڵ بەڕێوەبەری بنکەی تەندروستی سیدەکان بە 964ـی وت، لای ئەوان چارەسەری سەرەتایی بۆ کراوە و رەوانەی فریاکەوتنی سۆران کراوە.

بەپێی ئاماری دەزگای گشتی مینی هەولێر لە سەرەتای ئەمساڵەوە تا ئێستا شەش هاوڵاتی له سنوری پارێزگاکە بەرمین کەوتوون، دووانیان گیانیان لەدەستداوە و چواریش بریندار بوون.