بزانە کارەکانی یەکتربڕی باخی بەختیاری گەیشتە کوێ؟

964+

دیلان محەمەد جەزا – سلێمانی

ئەمڕۆ پرۆسەی قیرتاوکردنی بەشی سەرەوەی یەکتربڕی شەقامی باخی بەختیاری دەستیپێکرد و بڕیار وایە سەرەتای مانگ شەقامەکە بکرێتەوە.

ئێستا تیمەکان سەرقاڵی چاککردنی بەشی سەرەوەی یەکتربڕەکەن، بۆ ئەوەی ئەو لۆدەی ئۆتۆمبێل کەمبکەنەوە، کە لەسەر ئەو رێگایە دروستبووە، بەھۆی بەرتەسک بوونەوەی شەقامەکە.

ئەمڕۆ دووشەممە 17.7.2023، ئەندازیار توانا محەمەد، سەرپەرشتیاری شارەوانی لە یەکتربڕی باخی بەختیاری بە 964ـی راگەیاند، دوای کردنەوەی بەشی سەرەوەی شەقامەکە بەڕووی شۆفێراندا، کارکردن لە بەشی ژێرەوەی یەکتر بڕەکە دەستپێدەکەن.

پڕۆژەی یەکتر بڕی باخی بەختیاری بڕی 12 ملیار و 500 ملیۆن دیناری بۆ تەرخانکراوە، لە رێکەوتی 30.8.2022ـەوە چووەتە بواری جێبەجێکردنەوە.

پێداچوونەوە: هاوبەش ئەبوبەکر