هەواڵ
مێرمنداڵێک لە زێی خەبات خنکا
964+
شۆڕش هەرکی – هەولێر
مێرمنداڵێکی دانیشتووی قەزای خەبات، لەکاتی مەلەکردن لەزێی خەبات خنکا.
رووداوەکە کاتژمێر 4:30ـی ئێوارەی ئەمڕۆ دووشەممە 10.7.2023 بووە.
رائید ئامانج محەمەد، بەڕێوەبەری بەرگری شارستانی خەبات بە 964ـی وت، “ئێوارەی ئەمڕۆ ئاگادارکراینەوە، کە مێرمندالێک لەکاتی مەلەکردن لەمەشروعی زێی گەورە خنکاوە و دوای کەمتر لە نیو سعات توانیمان تەرمەکەی بدۆزینەوە، مەشروعەکە لقێکە لەزێی گەورە بەناو بەشێک لەماڵەکاندا دەڕوات کە هاوڵاتیان بۆ کاری کشتوکاڵی بەکاریدێنن.
مێرمنداڵەکە تەمەنی 12ساڵە و قوتابییە، ئەمە لەکاتێکدایە، 29.6.2023 لە دووەم رۆژی جەژنی قوربان مێرمندالێکی تر لەزێی گەورە لەقەزای خەبات خنکا.
پێداچوونەوە: توانا نەقی