لە هەولێر 120 قوتابی کریستیان و تورکمان خەڵاتکران

شیراز عەبدوڵا

وەک هەوڵێک بۆ رێزلێنان لە قوتابیانی کریستیان و تورکمان، 120 قوتابیان خەڵات کران.

ئەو قوتابیانەی خەڵات دەکرێن، یەکەمەکانی خوێندنی تورکمانی و کریستیانن لە پۆڵی یەکەمی بنەڕەتی تاوەکو 11ـی ئامادەیی.

ئێوارەی ئەمڕۆ پێنجشەممە 16.6.2023، لە هەولێر ئەو 120 قوتابییە خەڵات کران، ئەمەش یەکەمجارە وەها مەراسیمێکی رێزلێنان بۆ قوتابیانی خوێندنی تورکمانی و کریستیانی ساز بکرێت.

لە هەولێر، 14 قوتابخانەی خویندنی تورکمانی و دوو قوتابخانەی خوێندنی کریستیانی هەیە، بە هەموویانەوە زیاتر لە سێ هەزار قوتابی تێیدا دەخوێنن.

ئەحمەد سەید یەعقوب، بەڕێوەبەری خوێندنی تورکمانی بە 964ـی وت ” سەرجەم خوێندکارەکان لە قوتابییە کریستیانی و تورکمانەکانی هەولێرن، بەهۆی نزیکبوونەوەی جەژنی قوربان بڕیارمانداوە جلوبەرگ وەک دیاری پێیان دەبخشرێت”.

+2

پێداچوونەوە: فەرمان سادق