خانوەکانیشیان بۆ چاککراوە

89 خێزانی ئاوارەی شنگال پاش وەرگرتنی هەزار دۆلار گەڕانەوە

964+

هاوبەش ئەبوبەکر

ئەمڕۆ 89 خێزانی ئاوارەی کەمپی شاریا لە دهۆک گەڕانەوە زێدی خۆیان لە شنگال، هەریەکەو هەزار دۆلاریان وەرگرت.

پیر ده‌یان جەعفەر، بەڕێوەبەری کۆچ و کۆچبەران و وەڵامدانەوەی قەیرانەکانی پارێزگای دهۆک بە 964ی وت، هەر خێزانێکی ئاوارەی کەمپی شاریا کە خۆویستانە دەگەڕێتەوە، لەلایەن رێکخراوی نێودەوڵەتی بۆ پەنابەران (IOM) خانووەکەیان بۆ چاکدەکرێتەوە و هەزار دۆلاریان پێدەدرێت.

ئەوانەشی کە بەبێ ئاگاداری ئەو رێکخراوە دەگەڕێنەوە، خانووەکانیان بۆ نۆژەنناکرێتەوە، تەنیا یەک ملیۆن و 500 هەزار دینار وەردەگرن.

تا ئێستا 198 خێزانی ئاوارەی کەمپی شاریا لە رێگەی رێکخراوی IOM گەڕاونەتەوە ناوچەکانی خۆیان، 259 خێزانی دیکەش بەبێ ئاگاداری رێکخراوەکە یان لە رێگەی وەزارەتی کۆچ و کۆچبەرانی عێراق گەڕاونەتەوە.

IOM رێكخراوى نێوده‌وڵه‌تى كۆچی سه‌ر به‌ نه‌ته‌وه‌یه‌كگرتووه‌كانه‌ گرنگی به‌ بارود‌وخى ئاواره‌كان ده‌دات و له‌ زۆربه‌ى رووه‌كانه‌وه‌ هاوكارییان ده‌كات.

نزیکەی 900 خێزانی ئاوارەی شنگال ناوی خۆیان بۆ گەڕانەوە بۆ سەر ماڵی خۆیان تۆمارکردووە.