ئاسایش دەڵێت بکوژی خێزانەکەی ئەمڕۆی هەولێری دەستگیرکردووە
964+
ژووری هەواڵ
ئاسایشی هەولێر پۆستێکی کردووە لە فەیسبووک، تیایدا هاتووە، کە تۆمەتباری سەرەکی رووداوی کوشتنەکەی ئەمڕۆی دەستگیرکردووە.
دوانیوەڕۆی ئەمڕۆ چوارشەممە، لە حەوشەی ماڵێکی گەڕەکی قەتەوی باشووری هەولێر تەرمی ژن و پیاوێکی بەتەمەن لەگەڵ کچێکی مێرمنداڵ دۆزرایەوە کە بە چەقۆ کوژرابوون.
بە قسەی ئاسایش، تۆمەتبارەکە ناوی (ک.ک) و ماڵی لە هەمان گەڕەکی کوژراوەکان بووە.
ئاسایشی هەولێر لە راگەیەندراوەکەیدا ئاشکرای نەکردووە هۆکاری تاوانەکە چی بووە.
زانیاری دێت…