ئەمڕۆ هایتێكس دەكرێتەوە

كوردستان ئەحمەد

بە بەشداری 82 كۆمپانیا و 32 بزنسی ئاست بچووك، چوارەمین  پێشەنگای هایتێكس لە هەولێر بەڕێوەدەچێت.

ئەمڕۆ سێشەممە، 6.6.2023 سەرەتای دەستپێكی پێشەنگاكەیە، لە 19 وڵاتەوە بەشداریی پێشەنگاكە دەكەن، بانگهێشتی سەدان میوانی ناوخۆیی و دەرەكی كراوە.

بڕیارە 32 بزنسی بچووكی سەربەخۆ و كۆمپانیاكان بەشداری لە پێشەنگاكەدا بكەن و هەندێكیان پاڵپشتی دارایی وەردەگرن.

ژێگر ئەبوزەید، رێكخەری پێشانگاکە  لە تۆڕی كۆمەڵایەتیی فەیسبووك لە بارەی پێشەنگاكەوە نووسیویەتی، چەندان كەسایەتی ناو سۆشیاڵ میدیا تیایدا بەشداری دەكەن و باسی سەركەوتنەكانی خۆیان دەكەن.

هایتێکس چالاکییەکی تەکنەلۆژیایە و نمایشکردنی نوێترین و دوایین داهێنانە تەکنەلۆژییەکانە، ئیڤێنتێکی چوار رۆژەیە و تاوەکو 9ـی ئەم مانگە بەردەوام دەبێت