دیمهنى تانكییهك لهسهربانى یهكێك له ماڵهكانى سلێمانى... وێنه: لیژنه‌كانى قایمقامییهت
له سلێمانى داوا ده‌كرێت تانكى ماڵه‌كان خاوێن بكرێته‌وه
964+
فه‌رهاد حه‌سه‌ن
نوێنه‌رى ته‌ندروستیى لیژنه‌كانى قایمقامیه‌ت له سلێمانى داوا له هاولاتیان ده‌كات تانكى ماڵه‌كانیان خاوێن بكه‌نه‌وه، چونكه ده‌ڵێت ژه‌نگهه‌ڵهێنانى تانكییه‌كانیان مه‌ترسی ژه‌هراویبوونى لێده‌كرێت.
د.ئیدریس ئەحمەد، پزیشک و نوێنەری بەڕێوەبەرایەتیی تەندروستی لە لیژنە هاوبەشەکانی قائیمقامیەتی سلێمانی، ئاماژه به‌وه‌ده‌كات لەگەڵ ئەوەی ژەنگ مەترسی ژەهراویبوون بە مادەی ئاسن و بڕین و زیانگەیاندنی بۆ ئەندامەکانی ناوەوەی لەش بە تایبەتی کۆئەندامی هەرس هەیە، هۆکارێکی سەرەکییە بۆ تووشبون بە نەخۆشییەکانی جگەر.
ده‌شڵێت، لەسەر ئەو بنەمایە و بۆ پاراستنی تەندروستیی گشتیی لیژنە هاوبەشەکانی قائیمقامیەتی سلێمانی، بڕیاریداوە ئەو شوێنانەی خواردن و خواردنەوە بەرهەم دەهێنن، تانکی سەربانەکانیان بشۆرن و ئەو تانکییانەشی ژەنگیان کردووە بیگۆڕن.
ئاماژەی بۆ ئەوەشکرد، ویستی لیژنە هاوبەشەکان زیان گەیاندن نیە بەشوێنەکان، بەڵام بۆ پابەندکردنیان بەمەرج و رێنماییەکانی کارکردن بەگشتی و تەندروستی بەتایبەتی خاوەن شوێنەکان روبەڕووی رێکارە یاساییەکان دەکەنەوە.
د.ئیدریس ئەحمەد، داواش لە هاوڵاتیان دەکات، لەپێناو تەندروستی خۆیان و منداڵەکانیان و خۆپاراستن لە مەترسییەکانی پیسبونی ئاوی تانکی سەربان و خاوێنکردنەوەی لەژەنگ، واباشترە شەش مانگ جارێک تانکییەکانتان بشۆن.