دەست بە ئاوەوە بگرن

له‌ سبه‌ینێوه‌ پڕۆژه‌ى ئاوى ته‌قته‌ق – كۆیه‌ ده‌وه‌ستێت

964+
فه‌رهاد حه‌سه‌ن

بەڕێوبەرایەتیی ئاوی قه‌زاى کۆیە، ئاگادارى هاوبه‌شانى سه‌ر پڕۆژه‌ى ئاوى ته‌قته‌ق – كۆیه‌ ده‌كاته‌وه‌، كه‌ له‌ سبه‌ینێوه‌ بۆ ماوه‌ى 24 كاتژمێر پڕۆژه‌كه‌ ده‌وه‌ستێت.

له‌ سبه‌ینێوه‌ 28.5.2023 تاكو 29.5.2023 پرۆژه‌كه‌ ده‌وه‌ستێت.

هۆكارى وه‌ستاندنى ئه‌و پڕۆژه‌یه‌ بۆ چاکسازیكردنه‌، کە لە سێ شوێن لیک و لێچوونی ئاو هەیە لە بۆریی سەرەکی گواستنەوەی ئاو بۆ شاری کۆیە.

بەڕێوبەرایەتیی ئاوی کۆیە، داوا لە هاوڵاتیان ده‌كات، ئه‌وانه‌ى سەرچاوەی دابینکردنی ئاویان لە رێگەی پڕۆژەی ئاوی تەقتەق – کۆیەیە، بە وشیارییەوە ئاو بەکاربهێنن تا ئه‌و چاكسازییه‌ له‌ پڕۆژه‌كه‌دا ته‌واو ده‌كرێت.