کارمەندێکی تەندروستی لەکاتی پشکنینی خوێنی نەخۆش _ وێنە: وەزارەتی تەندروستی حکومەتی عێراق
ژمارەی تووشبوانی تای خوێبەربوون لە عێراق گەیشتە 139 کەس
964+
فەهمی نەبی
وەزارەتی تەندروستی حکومەتی عێراق رایگەیاند، لە ماوەی ئەمساڵدا ژمارەی ئەوانەی دووچاری تای خوێبەربوون هاتوون، گەیشتوەتە 139 کەس.
ئەمڕۆ چوارشەممە وەزارەتی تەندروستیی حکومەتی عێراق ئاماری تووشبوان و گیانلەدەستدانی بەهۆی تای خوێبەربوونی پێنج مانگی ئەمساڵی بڵاوکردەوە.
بە گوێرەی ئامارەکە لە سەرتاسەری عێراقدا 20 کەس بەهۆی نەخۆشییەکەوە گیانیان لەدەستداوە.
تای خوێبەربوون، جۆرێک نەخۆشییی ڤایرۆسییە، بە گوێرەی رێکخراوی تەندروستیی جیهانی، لە رێگەی مێشولەوە کە هەڵگری ئەو جۆرە نەخۆشییەیە، بە چەند رێگەیەک بۆ مرۆڤ دەگوازرێتەوە.
سەرەتای نەخۆشییەکە بە ئازاری جومگەکان دەستپێدەکات، دواتر کێشەی کەمبوونەوەی خوێنی بۆ دروست دەبێت بە هۆی خوێنبەربوونی ناوەوە.
هاوکات ئەمڕۆ چوارشەممە، حکومەتی هەرێم بۆ بەرەنگاربوونەوەی نەخۆشی تای خوێبەربوون بڕی دوو ملیار و 771 ملیۆن دۆلاری تەرخانکردووە.