دیمەنی ئەسپێک لە ناورەراسی شەقامێکی دەربەندیخان. وێنە: شارەوانی دەربەندیخان
هەر ئاژەڵێک لەناو شاردا بگیرێت خاوەنەکەی سزا دەدرێت
964+
توانا نەقی
لە ئەمڕۆ 22.5.2023ـوە هەر ئاژەڵێک لە ناو قەزای دەربەندیخاندا بگیرێت سزای مادی خاوەنەکەی دەدرێت و رێکاری یاسایی لە بەرامەبەر دەگیرێتەبەر.
سەرۆکایەتی شارەوانی دەربەندیخان بڵاویکردووەتەوە، ماوەی مانگێکە هەستاون بە چاندنی نەمام لە ناو شاردا، بەڵام بەشێک لە خاوەن ئاژەڵەکان بێ گوێدانە بەهای نیشتیمانی، مانگا و ئەسپ و ئاژەڵەکانیان بەرەڵای ناو بازاڕ دەکەن و زیان بە نەمامەکان دەگەیەنن.
ئەوەش هاتووە، سزا دیاریکراوە بۆ ئەو مەبەستە بە جۆرێک، بڕی پێبژاردن بۆ یەک سەر مانگا لە 150 هەزار دینارەوە دەستپێدەکات، ئەگەر دووبارە ئاژەڵەکە بگەڕێتەوە ئەوا خاوەنەکەی دەدرێتە دادگا.
شارەوانی دەربەندیخان دەڵێت، ئەو بڕیارە لە پێناو جوان هێشتنەوەی شارەکەیان دراوە و داوادەکەن چیتر هاوڵاتیان ئاژەڵەکانیان بەرەڵای ناوبازاڕ و شوێنە گشتییەکان نەکەن.