مێسی و ئێمباپێ. فۆتۆ: سۆشیال میدیا
ئێمباپێ جێگرهوهی مێسی دیاریی كرد
964+
ئهرسهلان عهبدوڵا
لهگهڵ گهرمبوونی زیاتری ههواڵهكانی رۆیشتنی مێسی له پاریس، ئێمباپێ دوو یاریزانی وهك جێگرهوهی مێسی دیاریكردووه.
تۆڕی لی 10 سپۆرتی فهڕهنسی ئاشكرای كرد، كیلیان ئێمباپێی هێرشبهری پاریس سانجێرمان پێشنیاری بۆ ئیدارهی یانهكهی كردووه، ئهم هاوینه گرێبهست لهگهڵ ئانتوان گریزمان و كۆلۆ موانی بكهن، ئهمهش وهك ئامادهكردنی جێگرهوهیهك بۆ ئهگهری رۆیشتنی مێسی له پاریس، كه باس له رۆیشتنی نهیماریش دهكرێت لهم هاوینهدا.
یهكهمجاره بیرۆكهی گواستنهوهی ئانتوان گریزمان بۆ پاریس بێته ئاراوه، بهڵام پێشتر بیرۆكهی گواستنهوهی كۆلۆ موانیی یاریزانی فڕانكفۆرت بۆ پاریس ههبووه.
ههواڵهكان باس لهوه دهكهن، مێسی ئهم هاوینه یانهی پاریس جێدههێڵێت.