بۆمبێکی چێندراو لە گوندێکی نزیک دهۆک دۆزرایەوە

964+

پێشەوا محەمەد – سلێمانی

لە گوندی هرورێی کانی ماسێ لە پارێزگای دهۆک، بۆمبێکی چێندراو و گولە تۆپێکی 100 ملم دۆزرانەوە و بە مەبەستی لەناوبردنیان هەڵگیرانەوە.

کارەکە لە لایەن تیمی هەڵگرتنەوەی مینی دەزگای گشتی کاروباری مین ئەنجامدراوە.

دەزگاکە ئەمڕۆ چوارشەممە 3.5.2023 لە راگەیەندراوێکدا دەڵێت، بۆمبە چێندراوەکە TNT بووە و لەگەڵ گولە تۆپەکە هەڵگیراونەتەوە و لە کات و شوێنی گونجاودا لەناودەبرێن.