به‌نزینه عێراقییه‌كه قه‌ره‌باڵغى له سلێمانى دروستكردووه
964+
رێژوان مامه – سلێمانى
ئه‌مڕۆ له پارێزگاى سلێمانى ده‌ست به دابه‌شكردنى به‌نزینى عێراقى كراوه، بۆ ئه‌مه‌ش قه‌ره‌باڵغییه‌كی زۆرى له هه‌ندێك به‌نزینخانه دروستكردووه.
په‌یامنێرى 964 له یه‌كێك له به‌نزینخانه‌كان دیمه‌نى سه‌ره‌گرتنى ئوتومبێله‌كانى گواستووەته‌وه و ده‌رده‌كه‌وێت قه‌ره‌باڵغییه‌كی به‌رچاو هه‌یه.
شۆفێرێك كه له سه‌ره‌ى به‌نزیخانه‌كه وه‌ستاوه به 964ـى وت، كوالێتى ئه‌و به‌نزینه عێراقییه باشه و ده‌شڵێت “له محه‌سه‌نه‌كه‌ى سلێمانى باشتره”.
به قسه‌ى ئه‌و شۆفێره، له رووى نرخیشه‌وه ئه‌و به‌نزینه عێراقیه به‌راورد به به‌نزینه نۆرماڵه‌كان هه‌رزانتره.
پێداچوونه‌وه: فه‌رهاد حه‌سه‌ن