یارییەکی پێشووی نێوان ریال مەدرید و چێڵسی. فۆتۆ: +964
لە چامپیۆنزلیگ
ئه‌مشه‌و دوو تیپی چامپیۆنزلیگ ده‌رده‌كرێن
964+
ئه‌رسه‌لان عه‌بدوڵا
ئه‌مشه‌و یارییه‌كانی گه‌ڕانه‌وه‌ی قۆناغی هه‌شتی خولی یانه پاڵه‌وانه‌كانی ئه‌وروپا ده‌ستپێده‌كه‌ن و دوو یاریی ده‌كرێن و دوو تیپیش ماڵئاوایی ده‌كه‌ن.
یانه‌ی ریال مه‌درید دوای ئه‌وه‌ی له یاریی چووندا به دوو گۆڵی بێ به‌رامبه‌ر له یانه‌ی چێڵسیی ئینگلیزی برده‌وه، ئه‌مشه‌و له له‌نده‌ن ده‌بێته میوانی چێڵسی.
هه‌ردوو تیپ بۆ یارییه‌كه ئاماده‌ن، ته‌نیا فێرلاند مێندیی به‌رگریكاری ریال مه‌درید به‌هۆی پێكانه‌وه یاریی ناكات.
له یارییه‌كی دیكه‌دا هه‌ردوو یانه‌ی ئیتالی، ناپۆلی و میلان له یاریگه‌ی “مارادۆنا” له ناپۆلی رووبه‌ڕوو ده‌بنه‌وه.
له یاریی چووندا میلان به گۆڵێك براوه‌بووه، به‌ڵام ئه‌مشه‌و ئه‌ركی ئاسان نابێت، كاتێك رووده‌كاته باشووری ئیتالیا و رووبه‌ڕووی ناپۆلی و جه‌ماوه‌ره‌كه‌ی ده‌بێته‌وه.
براوه‌ی یارییه‌كانی ئه‌مشه‌و ده‌گه‌نه قۆناغی پێش كۆتایی چامپیۆنزلیگ و دۆڕاوه‌كانیش ماڵئاوایی ده‌كه‌ن.