ئەم وێنەیە لە پەیجی فەرمی فازڵ حاجی وتەبێژی هاتوچۆی هەولێرەوە وەرگیراوە.
60 مەتری هەولێر هێڵكاری دەكرێتەوە
964+
كوردستان ئەحمەد – هەولێر
كۆمپانیایەكی ناوخۆی هێڵكاری بۆ شەقامی 60 مەتری هەولێر دەكات، وابڕیارە هەموو شەقامەكانی كوردستان هێڵكاری بكرێن.
وەزارەتی ناوخۆی حكومەتی هەرێمی كوردستان، كۆمەڵێك ئامێر و رەنگی تایبەتی كڕیوە بۆ هێڵكاری و رەنگکردنی شەقامەكان، ئەو ئامێرانە سێ مانگ لەژێر تاقیکردنەوە بوون.
فازڵ حاجی، وتەبێژی بەڕێوبەرایەتی هاتوچۆی هەولێر بە 964ـی وت، دوای ئەوەی ئامێرەكەمان بەدەستی كاری ناوخۆی تاقیكردەوە و شەقامێكمان لە عەنكاوە هێڵكاری و رەنگ كرد، بۆمان دەركەوت رەنگەكە و شێوازی هێڵكاریەكە زۆر جوان و رێكوپێكە، بۆیە بڕیارماندا دەستبكەین بە رەنگکردنی شەقامەكانی دیكە.
وتەبێژی هاتوچۆ دەشڵێت، بەمزوانە دەستدەكرێت بە نۆژەنكردنەوە و هێڵكاری و رەنگكردنی شەقامی 60 مەتری و تەواوی شەقامەكە هێڵكاری دەكرێتەوە.
فازڵ حاجی، ئەوەشی وت “لە مانگی رەمەزاندا دەستدەكرێت بە هێڵكاری شەقامی 60 مەتری.
ئەو كۆمپانیایەی كە سەرپەرشتی ئەم هێڵكارییە دەكات، سەرجەم كارمەندەكانی ناوخۆین و سەرپەرشتیار و ئەندازیاری پڕۆژەكەش ناوخۆین و پشت بە دەستی بیانی و دەرەكی نابەسترێت.