دوای لافاوەکە

شارەوانی هەولێر دەستیکرد بە رێکخستنەوە و خاوێنکردنەوەی کەندەکان

964+

شۆڕش قادری

دوای لافاوەکە شارەوانی هەولێر دەستیکرد بە خاوێنکردنەوەی کەندەکانی هەولێری نوێ و سێبەردان و هیوا سیتی.

وەزارەتی شارەوانی و گەشتوگوزار کۆمەڵێک وێنەی داناوە و نووسیویەتی، لە بەردەوامی هه‌ڵمه‌تی دووباره‌ خاوێنكردنه‌وه‌ و فراوانكردنی كه‌نده‌ سروشتییه‌كان و رێكخستنه‌وه‌ی ڕێڕه‌وی ئاوه‌ڕۆی كه‌نده‌كان، له‌لایه‌ن تیمه‌كانی به‌ڕێوه‌به‌رایه‌تیی ئاوه‌ڕۆی هه‌ولێر كه‌ندی سرووشتی كۆڕنیش له‌ نزیك گه‌ڕه‌كی هه‌ولێری نوێ به‌ ئاراسته‌ی شاری زیلان خاوێن كرایه‌وه‌ و ڕێڕه‌وه‌كه‌ی ڕێكخرایه‌وه‌.

هەر لەو چوارچێوه‌یەدا كه‌ندی سروشتی نێوان گوندی سێبه‌ردان و شاری هیواستی دووباره‌ خاوێن و فراوان و رێكخرایه‌وه‌ وه‌ك ئاماده‌كارییه‌ك بۆ ئه‌گه‌ری لافاو و كۆبوونه‌وه‌ی ئاوی زیاده‌ له‌و سنووره‌.