سۆراغی دیکەش بەردەوامە

کۆتاییهێنان بە رێکارەکانی گەڕاندنەوەی 11 گەنج لە لیبیا

964+

ئەحمەد مستەفا

حکومەتی هەرێمی کوردستان رایگەیاند، کە رێکارەکانی گەڕاندنەوەی 11 گەنجی هاونیشتمانی لە وڵاتی لیبیا بۆ هەرێمی کوردستان تەواو کراون و لە چەند رۆژی داهاتوودا دەگەڕێندرێنەوە بۆ کوردستان.

بەپێی راگەیاندنەکە، دوای گەیشتنی هەواڵی بێسەروشوێنبوونی کۆمەڵێک گەنج لە لیبیا، وەزارەتی ناوخۆ و فەرمانگەی پەیوەندییەکانی دەرەوەی هەرێم دەستیان بە هەنگاوە پێویستەکان کردووە بۆ دۆزینەوە و رزگارکردنیان.

لە هەمان کاتدا، هەوڵەکان بۆ دۆزینەوە و دیاریکردنی چارەنووسی 10 هاونیشتمانی تری دەڤەری ڕاپەڕین بەردەوامە و ئەم پرۆسەیە بە هەماهەنگی لەگەڵ باڵیۆزخانەی عێراق لە لیبیا و نوێنەرایەتییەکانی حکومەتی هەرێم بەڕێوەدەچێ.