وەزارەتی داد: ڤیدیۆی فرۆشتنی مۆبایل لە زیندانی عەمارە کۆنە

ئەحمەد مستەفا

لەگەڵ بڵاوبوونەوەی ڤیدیۆیەک لە تۆڕە کۆمەڵایەتییەکان، چاوەکان بەرەو زیندانی ناوەندی عەمارە وەڕێکەوتن، لە گرتەکەدا چەند زیندانی داوای یارمەتی دەکەن و باس لە قاچاخ و فرۆشتنی مۆبایل دەکەن.

بەڵام وەزارەتی دادی عێراق روونیکردەوە کە ئەو ڤیدیۆیە نوێ نییە، بەڵکو گرتەیەکی کۆنە کە پێشتر لێکۆڵینەوەی لەسەر کراوە.

بەپێی بەیاننامەکە، رێکاری یاسایی بەرامبەر بەرپرسانی پەیوەندیدار گیراوەتەر و هەنگاوی پێویستیش بۆ رێگریکردن لە دووبارەبوونەوەی رووداوەکە جێبەجێ کراوە.

وەزارەتەکە داوای لە میدیا و بەکارهێنەرانی تۆڕە کۆمەڵایەتییەکان کردووە پێش بڵاوکردنەوەی هەواڵ، سەرچاوە و کۆنتێکستی ڤیدیۆکان بپشکنن، بۆ ئەوەی گرتە کۆنەکان نەبنە هۆی دروستکردنی تێگەیشتنی هەڵە یان گرژی لە ناو دامەزراوەکانی چاكسازی.