کۆتا وادەی پڕکردنەوەی هەژماری منە و فۆڕمەکە بەرناکەوێ

دیلان محەمەدجەزا – سلێمانی

ئەمڕۆ 31.8.2026، کۆتا وادە و دوا مۆڵەتە بۆ خۆتۆمارکردن لە پڕۆژەی هەژماری من، لە سلێمانی ئەو بنکەیەی کراوەتەوە بەرناکەوێ و قەرەباڵغە.

ئەوانەی زیاتر لەوێن خانەنشینانن.

تیمی پڕۆژەی هەژماری من و فەرمانگە پەیوەندیدارەکان هۆشداری دەدەنە سەرجەم فەرمانبەران و خانەنشینانی هەرێمی کوردستان کە ئەگەر ئەمڕۆ خۆیان لە پڕۆژەکە تۆمار نەکەن و فۆڕمەکە پڕ نەکەنەوە، لە داهاتوودا گرفت بۆ مووچەکانیان دروست دەبێت و مووچە وەرناگرن.

بۆیە ئەگەر تا ئێستا خۆت تۆمار نەکردووە، پێویستە بە زووترین کات و لە ڕێگەی شوێنە ڕێپێدراوەکان یان تیمەکانی دابەشکردنی فۆڕمەوە لە فەرمانگەکانتان، پرۆسەی خۆتۆمارکردن تەواو بکەن پێش ئەوەی کاتەکە کۆتایی پێبێت.

پێداچوونەوە: ئەحمەد مستەفا