سەرۆکی هەرێمی سەرەخۆشی ئاڕاستەی حکومەتی سوریا کرد

فەرهاد حەسەن

نێچیرڤان بارزانی، سەرۆکی هەرێمی کوردستان پەیامێکی هاوخەمی بۆ ئەو رووداوە دڵتەزێنەی هاتوچۆ بڵاوکردەوە کە لە وڵاتی سوریا روویدا و بەهۆیەوە ژمارەیەک کارمەندی وەزارەتی ناوخۆ و هاوڵاتی گیانیان لەدەستدا و بریندار بوون.

لە پەیامەکەیدا، پرسە و سەرەخۆشیی خۆی ئاڕاستەی حکومەتی سوریا و کەسوکاری ئەوانە کرد کە لە رووداوەکەدا گیانیان لەدەستداوە.

رووداوەکە؛ پاشنیوەڕۆی ئەمڕۆ بەهۆی پێکدادانی دوو پاسەوە لەسەر رێگای سەرەکیی نێوان دێرەزوور بۆ تدمۆر لە بیابانی سووریا، نزیکەی 65 کەس گیانیان لەدەستداو و برینداربوون، کە ژمارەیەک سەربازی هێزە حکومییەکانی تێدایە.