پارکێکی تازە لە شاوێس کرایەوە

شۆڕش قادری

لەچوارچێوەی هەوڵەكان بۆ زیادکردنی رێژەی سەوزایی لە هەولێری پایتەخت، پارکێکی تازە لە شاوێس کرایەوە.

پارکەکە ئەمڕۆ سێشەممە 21.7.2026 کراوەتەوە و لەکاتی کردنەوەیدا، ئومێد خۆشناو پارێزگاری هەولێر و دڵشاد هیرانی بەڕێوەبەری فەرمانگەی ژینگە و زەندی جەبار سەرۆکی شارەوانی لەوێ بوون.

فەرمانگەی ژینگەی هەولێر چەند وێنەیەکی مەراسیمەکەی داناوە و نووسیویەتی، ئەم پڕۆژە خزمەتگوزاری و ژینگەییە، لەسەر رووبەری 11 هەزار و 250 مەتر چوارگۆشە جێبەجێ کراوە.

پڕۆژەکە بە هاوکاری و هەماهەنگی نێوان فەرمانگەی ژینگەی هەولێر و سەرۆکایەتی شارەوانی شاوێس و کۆمپانیای ئەسیۆرد (زین) بۆ پەیوەندییەکان ئەنجامدراوە، کە تێیدا نەمام و داری جۆراوجۆر چێندراون و شوێنی حەوانەوە و دانیشتنی گونجاو بۆ خێزان و هاوڵاتیانی ناوچەکە دابین کراوە.