یەکێکى تریش بریندارە
بەهۆی پاشماوەی درۆنێکی ئێرانییەوە؛ سەربازێکی ئەمریکی لە هەرێمی کوردستان کوژرا
964+
وریا فەتاح
فەرماندەیی ناوەندیی سوپای ئەمریکا (سێنتکۆم) رایگەیاند، لە رێکەوتی 18ـی تەممووزدا، سەربازێکی ئەمریکی لە هەرێمی کوردستان گیانی لەدەستداوە و سەربازێکی دیکەش بریندار بووە.
بەپێی راگەیەندراوەکەی سێنتکۆم، رووداوەکە لە کاتی لەناوبردن و تەقاندنەوەی کۆنترۆڵکراوی پاشماوەی تەقەمەنیی درۆنێکی هێرشبەری ئێرانی روویداوە کە پێشتر خرابووە خوارەوە و نەتەقیبوو.
سێنتکۆم ئاماژەی بەوەشکردووە کە سەربازە بریندارەکە برینەکەی سووکە و لە ئێستادا بەردەوامە لە وەرگرتنی چارەسەری پزیشکی.
جەختی لەوە کردووەتەوە کە لەپێناو رێزگرتن لە کەسوکاریان و تا کاتی تەواوبوونی پرۆسەی ئاگادارکردنەوەی خێزانەکانیان، ناسنامەی سەربازەکان ئاشکرا ناکرێت و زانیاری زیاتر بڵاو ناکرێتەوە.