لە شارباژێر

مینێک 500 دۆنم پوش و پاوان و داری سروشتی سووتاند

964+

شۆڕش قادری

بەهۆی تەقینەوەی مینێک، 500 دۆنم پوش و پاوان و داری سروشتی لە شارباژێر سووتا.

بەڕێوەبەرایەتی پۆلیسی دارستان و ژینگەی سلێمانی چەند وێنەیەکی ساتی کوژاندنەوەی ئاگرەکەی داناوە و نووسیویەتی، رۆژی 10.7.2026 ئاگرێك لە شارباژێر کەوتووتەوە لە سنوری گوندەکانی ( نۆرەباب، پیرێسك ، سێوەنگ ، کانی شوان)، دەستبەجێ مەفرەزەیەکی بەشی پۆلیسی دارستانی شارباژێر چوونەتە شوێنەکە و بە هاوکاری بەرگری شارستانی چوارتا و خەڵکی ناوچەکە توانیویانە ئاگرەکە کۆنتڕۆڵ بکەن و بیکوژێننەوە.

ئاماژە بەوەشکراوە، ئاگرەکە بە تەقینەوەی مینێک سەریهەڵداوە و تیایدا نزیکەی ( 500) دۆنم لە پوش و پاوان و داری سروشتی سووتاوە.