لە عامودا سەنتەرێک بۆ چارەسەری کێشەی قسەکردن و منداڵانی ئۆتیزم کرایەوە

گەرناس عەمۆ – عامودا

لە شاری عامودا لە رۆژئاوای کوردستان، سەنتەرێکی تایبەت بە ناوی “تەیف” بۆ پاڵپشتیکردنی منداڵان و چارەسەرکردنی کێشەکانی قسەکردن و ئۆتیزم خزمەتگوزارییەکانی پێشکەش دەکات.

سەنتەری “تەیف” کە بە هاوکاری و هەماهەنگی لەگەڵ سەنتەری “کولتورڤان” کاردەکات، ئامانجی سەرەکی پاڵپشتیکردنی منداڵان و بەهێزکردنی تواناکانیانە لە رووی زمانەوانی و دەربڕینەوە، بۆ ئەوەی بتوانن بە باشی تێکەڵ بە کۆمەڵگە ببن.

روەیدا عەلی، بەڕێوەبەری سەنتەری تەیف بۆ ئاخاوتن و شیاندنەوە بە 964ـى وت،”سەنتەرەکە ژینگەیەکی گونجاوی رەخساندووە و کۆمەڵێک خزمەتگوزاریی پزیشکی و دەروونی پێشکەش بە منداڵان دەکات، کە بریتین لە:

هەڵسەنگاندن و دەستنیشانکردنی گرفتەکانی قسەکردن، زمان و پەیوەندیکردن.

دانیشتنی تایبەت بە چارەسەری قسەکردن و گفتوگۆ بۆ منداڵان.

راهێنانەوە و پاڵپشتیکردنی ئەو منداڵانەی کە تووشبووی ئۆتیزمن.

گەشەپێدانی تواناکانی تێگەیشتن (هزری)، رەفتاری و لایەنی کۆمەڵایەتیی منداڵ.

پێداچوونەوە: وریا فەتاح