بەڕێوەبەرایەتی رێکخستنی پسوولەی خۆراكی هەولێر
280,000 هاوبەش سوودی لێدەبینن
ئیپسوولە لە پێنج شوێنی دیکەی کوردستان دەخرێتەکار
هەژان هادی
ئیپسوولە کە سیستەمێکی نوێی فرۆشتنی وزەیە بەشێوەی دیجیتاڵی لە پڕۆژەی رووناکی لە گەرمیان، دەربەندینخان، دوکان، چەمچەماڵ و سەیدسادق دەخرێتەکار.
وەزارەتی کارەبای حکومەتی هەرێمی کوردستان ئاشکرایکرد، لە هۆبەی فرۆشیاری وزەی گەرمیان، دەربەندینخان، دوکان، چەمچەماڵ و سەیدسادق ئیپسوولە دەکەوێتەکار کە نزیکەی 280,000 هاوبەش سوودی لێدەبینن.
وەزارەتی کارەبا باسی لەوەکرد، سیستەمی ئیپسوولە لە هۆبەکانی فرۆشیاری وزە لە سەرانسەری هەرێمی کوردستان یەکدەخرێت و سوودی دەبێت لە راییکردنی مامەڵەی هاوڵاتییان و پرۆسەی پسوولەکردن و پارەدان بەشێوەیەکی خێراتر و ئاسانتر.
پێشتر لە چوارچێوەی چاکسازییەکانی پرۆژەی رووناکی، سیستەمی ئیپسوولە لە هۆبەکانی فرۆشیاری هەولێر، سلێمانی، دهۆک، زاخۆ، هەڵەبجە، ڕاپەڕین، سۆران، کۆیە و خەبات جێبەجێکرا.