ئومێد خۆشناو بۆ 964
لە یەک هەفتەدا 76 هەزار گەشتیار هاتوونەتە هەولێر
964+
عەبدولعەزیز خالند – هەولێر
لە پارێزگای هەولێر لەلایەن گەشتووگوزار و یەکە ئیدارییەکانەوە ئامادەکاری تەواو کراوە بۆ هاتنی گەشتیار و پارێزگاریش دەڵێت چاوەرێ دەکەن لەم پشووەدا زۆرترین گەشتیار روو لە هەولێر بکەن.
ئومێد خۆشناو پارێزگاری هەولێر بە 964ـی وت، هەموو یەکە ئیدارییەکان ساز و ئامادەن بۆ پێشوازی لە گەشتیار و ئێستا هەولێر بەهۆی ئەو پۆند و بەنداوانەی کە دروست کراون شوێنێکی لەبار و نایابە بۆ گەشتیاران.
وتیشی، تەنیا لە ماوەی یەک هەفتە و لە 19ـەی ئەم مانگەوە تا ئەمڕۆ 76 هەزار گەشتیار کە یەکەمجارە تۆمار بکرێن هاتوونەتە پارێزگاکە.
پێداچوونەوە: توانا نەقی