34 ساڵ بەسەر یەکەم هەڵبژاردنی پەرلەمانی کوردستان تێپەڕی

شۆڕش قادری

رۆژی 19ی ئایاری 1992 یەکەم ئەزموونی هەڵبژاردنی پەرلەمانی کوردستان بەڕێوەچوو، ئەمڕۆ 34 ساڵ بەسەر ئەو رۆژەدا تێدەپەڕێت و خولی شەشەمیش هێشتا هیچی لێ سەوز نەبووە.

لە یەکەم هەڵبژاردنەدا 967 هەزار و 229 کەس بەشدارییان کرد و تەنیا لیستی پارتی دیموکرات و یەکێتی نیشتیمانی توانیان بەربەستی کورسییەکان تێبپەڕێنن و بەڕێژەی 50 بە 50 کورسییەکانی پەرلەمانیان بەرکەوت.

دەبوو چوار ساڵ دواتر هەڵبژاردنی خولی دووەم بکرێت، بەڵام بەهۆی هەڵگیرسانی شەڕی ناوخۆ لە ساڵی 1994 هەڵبژاردنی خولی دووەم ئەنجام نەدرا و کەوتە 30 کانوونی دووەمی 2005.

ئێستاش وا ساڵ و نیو زیاترە کە هەڵبژاردنی خولی شەشەمی پەرلەمانی کوردستان بەڕێوەچووە کە رۆژی 20.10.2024 بوو، بەڵام لەبەر ئەوەی لایەنەکان لەسەر پێکهێنانی حکومەت رێکنەکەوتوون، هێشتا دەرگای پەرلەمان بە داخراوی ماوەتەوە.