کۆشکی کرێملن: چوار رۆژی دیکە پوتین لە چین دەبێت

ژووری هەواڵ

دوای سەردانەکەی ترەمپ، ڤلادیمێر پوتین سەرۆکی رووسیا بە سەردانێکی دوو رۆژە دەچێتە چین و لەگەڵ سەرۆکی ئەو وڵاتە کۆدەبێتەوە و پرسە ئابووری و نێودەوڵەتییەکان تاوتوێ دەکات.

کۆشکی کرێملن ئەمڕۆ شەممە 16.5.2026 رایگەیاند، ڤلادیمێر پوتین 19 و 20ـی ئەم مانگە لە چین دەبێت و لەگەڵ شی جین پینگی سەرۆکی ئەو وڵاتە کۆدەبێتەوە.

بە گوێرەی راگەیەندراوەکە، پوتین لە سەردانەکەیدا لەگەڵ هاوتا چینییەکەی دەربارەی چۆنییەتی پتەوکردنی هاوکاری و پەیوەندییە گشتگیر و ستراتیژییەکەیانی نێوان مۆسکۆ و پەکین قسە و باس دەکەن.

کرێملن باسی لەوەش کردووە، کە پوتین و سەرۆکی چین “بیروڕا دەربارەی پرسە ئابووری و نێودەوڵەتییەکان تاوتێ دەکەن”.

ئەم سەردانەی سەرۆکی رووسیا دوای ئەوە دێت کە هەفتەی رابردوو، دۆناڵد ترەمپ بە یاوەری تیمێکی گەورە لە بەرپرسان و سەرمایەدارانی وڵاتەکەی گەیشتە چین و لەگەڵ شی جین پینگ کۆبووەوە.