“پێویستە مێشکت ساف بێ و خواردنی باش بخۆی”

عەبدولعەزیز خالند

پاڵەوانیەتییەکی هێزی لەش بۆ یاریزانانی هەولێر و دەوروبەری بەڕێوەدەچێت و ئەمڕۆ کۆتایی دێت، یاریزانانی شار و شارۆچکەکان بەشدارن.

964 لە رکابەرییەکان ئامادەبوو، کە لە هۆڵێی ترۆی جیم لە قەزای عەنکاوە بەڕێوەدەچێت و تێیدا 32 یاریزان رکابەریی دەکەن.

پاڵەوانیەتییەکە لە لایەن لقی هەولێری فیدراسیۆنی هێزی لەش کراوەتەوە و دوێنێ دەستیپێکرد و ئەمڕۆ کۆتایی دێت.

زانیاری عەلی، یەکێک  لە یاریزانە بەشدارەکانە و بە 964ی وت، “پێشبینیی دەکەم بتوانم 240- 250 کیلۆ بەرزبکەمەوە.

وتیشی، بۆ رکابەرییەکە ماوەیەکی باشە خۆی ئامادە دەکات، “بۆ ئەوەی بەهێزبیت، دەبێت کاتی رکابەری مێشکت ساف بێت و خواردنی باشت خواردبێت”.

پێداچوونەوە: ئەرسەلان عەبدوڵا