نرخی نەوت دابەزی
سەروو 108 دۆلارە
نرخی نەوت دیسان دابەزی
شۆڕش قادری
دوای بەرزبوونەوەکانی چەند رۆژی رابردوو، نرخی نەوت جارێکی تر رووی دابەزین کردەوە و ئەمڕۆ هەر بەرمیلێک لە سەروو 108 دۆلارەوە مامەڵەی پێودەکرێت.
ئەمڕۆ شەممە 2.5.2026 لەکاتی کردنەوەی بازاڕی جیهانیی نەوت، نرخی یەک بەرمیل نەوتی خاوی برێنت بە 108 دۆلار و 2 سەنت دیاریکراوە و نرخەکەی بەراورد بە دوێنێ 2.02٪ دابەزیوە.
هاوکات یەک بەرمیل نەوتی سووکی تێکساس بە 101 دۆلار و 9 سەنت مامەڵەی پێوەدەکرێت و ئەویش بەڕێژەی 2.98٪ دابەزیوە.
لەم ماوەیەدا بەهۆی گەمارۆی دەریایی ئەمریکا بۆ سەر ئێران و ئاڵۆزییەکانی گەرووی هورمز، رەوشی بازاڕی نەوت سەقامگیر نییە و دەشێت هەر گۆرانکارییەک لەو ناوچەیە، ببێتەهۆی دابەزین و بەرزبوونەوەی نرخی نەوت.