پێنج کەس گیانیان لەدەستداوە
رووداوەکەی کەرکوک زیانێکی زۆری ماددی و گیانی هەبووە
964+
کاروان ساڵحی – کەرکوک
رووداوی هاتوچۆکەی کەرکوک کارەساتێکی ناوەتەوە جگە لە زیانە مادییەکان کە بەر نزیکەی 30 ئۆتۆمبێل کەتووە، مردن و بریندارێکی زۆری لێکەوتووەتەوە.
هاوڵاتییەک لە شوێنی رووداوەکە ئۆتۆمبێلی زاواکەی کە تەکسیەک بووە وێران بووە و بە 964ـی وت، زاواکەی لە نەخۆشخانەیە و پێنج سەرنشینیشی پێبووە کە قوتابی بوون و سەرجەمیان رەوانەی نەخۆشخانە کراون.
شایەتحاڵێکیش قسەی بۆ 964 کردووە و دەڵێت، ئۆتۆمبێلەکە بە خێراییەکی ئێجگا زوۆر هاتووە و کە وەرگەڕاوە دەیان ئۆتۆمبێلی لەگەڵ خۆی شێلاوە و بەهی ئەوەی لەو شوێنە ئاهەنگی دەرچوونی خوێندکاران هەبووە بریندارێکی زۆریش هەیە.
بە پێی زانیارییە سەرەتاییەکان تاوەکو ئێستا پێنج کەس گیانیان لەدەستداوە و نزیکەی 20 کەسیش بریندار بوون.
پێداچوونەوە: توانا نەقی
