سیدەکان
کچێکی 15 ساڵان بەر مین کەوت و بریندار بوو
964+
ئاکام غەفور – سۆران
ئێوارەی ئەمڕۆ کچێک لە گوندێکی سنووری قەزای سیدەکان بەر مین کەوت و بەهۆیەوە بریندار بوو.
رابەر ئەنوەر، بەرپرسی راگەیاندنی دەزگای مینی هەولێر، بە 964ـی وت،”لە گوندی بلەسەنانی قەزای سیدەکان لە ناوچەیەکی شەرگە، کە شوێنەکە پاشماوەی جەنگی لێ ماوە، لە ئەنجامی تەقینی پاشماوەی جەنگی کچێکی تەمەن 15 ساڵ بریندار بووە.
وتیشی، خێزانی کچەکە شوانکارن و دانیشتووی گوندەکەن، مەترسی لەسەر ژیانی نیرە و برین لە دەست و قاچی هەیە.
پێداچوونەوە: ژێوار خدر
