"بریندار هەیە"
جارێکی دیکە هێرش کرایەسەر زڕگوێزەڵە
964+
دیلان محەمەدجەزا – سلێمانی
جارێکی دیکە هێرش کرایەسەر کەمپی کۆمەڵەی شۆڕشگێڕانی کوردستانی ئێران لە زڕگوێزەڵە و بریندار هەیە.
سەرچاوەیەک لە کۆمەڵەی شۆڕشگێڕان بە 964ـی وت، “کەمێک پێش ئێستا بە موشەک هێرش کراوەتە سەر زڕگوێزەڵە و بریندار هەیە”.
لەگەڵ ئەو هێرشە لە هەولێری پایتەختیش دەنگی چەند تەقینەوەیەکی بەهێز بیسترا و سیستمی بەرگری موشەکی هێزەکانی ئەمریکا لە نزیک فڕۆکەخانەی هەولێر خرایەکار.
دوای سەرهەڵدانی شەڕی نێوان ئێران و ئیسرائیل و ئەمریکا کە هەشت رۆژە دەستیپێکردووە، شەو نەبووە، موشەک و درۆن بە ئاسمانی کوردستان و بەتایبەتیش هەولێری پایتەختەوە نەبینرێ و شەوی رابردووش، بەڕێوەبەرایەتی ئاسایشی هەولێر رایگەیاند، چوار درۆنیان تێکشکاندووە، لە سلێمانیش چەند جارێک بەدرۆن هێرش کراوەتە سەر کەمپی کۆمەڵەی شۆڕشگێڕانی کوردستان و چەند کەسێکیان لێ برینداربووە.
پێداچوونەوە؛ شۆڕش قادری
