لەمێژە واى بەخۆیەوە نەبینیوە
بازاڕی نەوت دەتەقێتەوە؛ بەرمیلێک نەوت لەبن 93 دۆلارە
964+
وریا فەتاح
جەنگەکە، رۆژێکى گەورە و کەم وێنەى بۆ نەوت دروستکردووە و یەک بەرمیل خاوى برێنت لەبن 93 دۆلارە.
ئەمڕۆ شەممە، لەگەڵ دەستپێکى کردنەوەى بازاڕى جیهانى نەوت، نەوتی برێنت کە پێوەری سەرەکی نەوتی جیهانە، بە رێژەی 7.28% بەرزبووەتەوە و گەیشتووەتە 92 دۆلار و 62 سەنت.
هاوکات، نەوتى خاوى رۆژئاواى تێکساس، بازدانێکی گەورەی تۆمارکردووە و بە رێژەی 12.21% بەرزبووەتەوە، کە دەکاتە نزیکەی 10 دۆلار زیادبوون، و نرخەکەی گەیشتووەتە 90 دۆلار و 90سەنت بۆ هەر بەرمیلێک.
شەپۆلەکە، غازى سروشتى و بەنزینیشى گرتووەتەوە، بەشێوەیەک غازی سروشتی بە رێژەی 6% و بەنزینیش بە رێژەی 2،83%بەرزبوونەتەوە.
ئەم بەرزبوونەوە خێرایە بە تایبەت لە نەوتى برێنت و تێکساس پەیوەستە بە رووداوەکانى ناوچەکە و سنوورداربوونى هاتووچۆى کەشتییە نەوتهەڵگرەکان لە گەرووى هورمز.
