نێچیرڤان بارزانی و محەمەد شیاع سودانی داوای هەماهەنگی و یەک هەڵوێستی دەکەن
بە تەلەفۆن قسەیان کرد
نێچیرڤان بارزانی و سودانی داوای هەماهەنگی و یەک هەڵوێستی دەکەن
964+
شۆڕش قادری
نێچیرڤان بارزانی سەرۆکی هەرێمی کوردستان و مەحەمەد شیاع سودانی سەرۆک وەزیرانی عێراق داوای هەماهەنگی و یەک هەڵوێستی بۆ رووبەڕووبوونەوەی مەترسییەکان و پاراستنی ئاسایش و سەقامگیری دەکەن.
بەپێی راگەیەنراوێکی نووسینگەی محەمەد شیاع سودانی سەرۆک وەزیرانی عێراق، ئەمڕۆ هەینی 6.3.2026 سودانی لە پەیوەندییەکی تەلەفۆنیدا لەگەڵ نێچیرڤان بارزانی سەرۆکی هەرێمی کوردستان، دوایین پێشهاتە ئەمنییەکانی ناوچەکەیان تاوتوێ کردووە و سەبارەت بە ئۆپەراسیۆنە سەربازییە بەردەوامەکان و کاردانەوەکانیان بۆ عێراق قسەیان کردووە.
هەردوولا دژایەتی خۆیان بۆ هێرشانە راگەیاندووە کە دەکرێنە سەر شارەکانی عێراق و هەرێمی کوردستان و جەختیان لەوە کردووەتەوە کە، نابێت خاکی عێراق بکرێتە شوێنی هەڵدانی هێرش بۆ سەر وڵاتانی دراوسێ، پاڵپشتیشیان بۆ هەموو رێوشوێنەکان دەربڕیوە کە ئامانجیان بەهێزکردنی ئاسایش و سەقامگیرییە لە ناوچەکە.
هەر بەپێی راگەیەنراوەکە، محەمەد شیاع سودانی و نێچیرڤان بارزانی جەختیان لە گرنگی رووبەڕووبوونەوەی ئاستەنگییەکانی ئێستا کردووەتەوە لەڕێی یەکخستنی هەڵوێست و هەماهەنگی هێزە ئەمنییەکان بۆ پاراستنی ئاسایش و سەقامگیری وڵات.
نێچیرڤان بارزانی و سودانی بۆ پرسەی رەئیسی دەچنە تاران
